Microsoft renova as aplicacións e servizos de Windows Live
mércores, 7 de novembro do 2007
O conxunto de aplicacións e servizo de Microsoft,
Windows Live, renóvase actualizando o servizos actuais e introducindo outros
novos, de xeito que os usuarios xa poden descargar e instalar no seu equipo
unha serie de programas agrupados nun paquete que serve tanto para mellorar o
rendemento do PC local e permite espallalo á Rede.
Entre as novas aplicacións da plataforma de Microsoft están Windows Live Mail,
Windows Live Writer e Windows Live Photogallery, que son un xestor de correo
electrónico (que tomarÃa o relevo ó Outlook Express), un editor avanzado para a
publicación de anotacións en blogs e un visor/editor de imaxes respectivamente.
No tocante ás actualización, o novo paquete inclúe Windows Live Messenger 8.5 e
Windows Live OneCare Protección infantil Windows Live Toolbar.
A plataforma Live tamén estrea o servizo de balde Windows Live Eventos, que
permite planificar eventos integrándose con Messenger, Spaces e Hotmail,
contando con máis de 100 moldes, configuración de privacidade, invitacións,
xestións de respostas dos convidados, libros de visitas, notificacións por RSS
e outras prestacións. No tocante ás actualizacións, Microsoft renova Windows
Live Hotmail, Windows Live Spaces e Windows Live Search.