Microsoft celebrará internacionalmente a chegada de Windows 10
martes, 14 de xullo do 2015
O vindeiro día 29 iniciarase a distribución da actualización
de Windows 7 e Windows 8.1 a Windows 10, e para celebrar o lanzamento oficial
do novo sistema operativo de Microsoft, a compañía de Redmond vai
organizar unha grande festa por todo o mundo, cunha forte campaña
publicitaria que busca que Windows 10 teña unha rápida adopción do que está
considerado como o mellor Windows feito nunca, que integra innovacións como o
asistente de voz Cortana, o navegador Microsoft Edge e incluso integración co
sistema de xogos Xbox.
Dende Microsoft lembran que os primeiros en recibir a actualización a Windows
10 serán os 5 millóns de participantes do programa Windows Insider, e convídaos
a participar nas celebracións que organizan en 13 cidades (Sydney, Tokyo,
Singapore, Beijing, Nova Delhi, Dubai, Nairobi, Berlín, Johannesburgo, Madrid,
Londres, São Paulo e New York) nas que se ofrecerán demostracións prácticas,
diversión e a posibilidade de coñecer a xente detrás do desenvolvemento de
Windows. Á festa tamén se unirán máis de 110 tendas de Microsoft en EE.UU.,
Canadá e Porto Rico, onde tamén haberá experiencias de demostración, ofertas,
premios... buscan, en definitiva, que o público sexa consciente da chegada de
Windows 10, o que espérase que sexa un importante motor da renovación
informática que o sector tanto necesita (a venda de ordenadores caeu considerablemente
nos últimos meses, posiblemente en espera ao lanzamento do novo Windows).