Microcompostela achega tecnoloxía ERP para solucionar os problemas de xestión das nosas PEME
luns, 6 de xuño do 2016
A empresa galega Microcompostela, centrada
principalmente na implantación de software para PEME e mantemento de
redes e servidores, ten no seu haber un máis que completo e avanzado
sistema tecnolóxico de planificación de recursos empresariais
(polas súas siglas en inglés software ERP, ou sexa Enterprise
Resources Planning). Falamos da
ferramenta Exit ERP, unha plataforma de xestión corporativa con
ampla capacidade de adaptación, evolución e crecemento para
diferentes e cambiantes contornas empresariais. Exit ERP, sinala a
firma desenvolvedora, permítenos xerar novos cálculos, novas
pantallas e novos informes, “para adaptalos ás demandas dos nosos
procesos e evolucionar na medida en que o noso negocio o precisa”.
Hai dúas modalidades: Exit ERP Pro e Exit ERP
Express. Ámbalas versións fornecen recursos precisos para
“solucionar os problemas de xestión dunha empresa, facturación,
contabilidade, control de almacén, rastrexabilidade, lotes, control
de custes, albarás, repartos, etiquetas e envasados”.
“Cos útiles e opcións de configuración de
Exit”, engade Microcompostela, “poderemos personalizar a
empregabilidade da aplicación tanto a nivel de empresa como de
usuario, ademais de xerarmos novos informes, novos campos e engadilos
aos distintos layout”.
A nivel de personalización, a plataforma de xestión
posibilita definir perfís de usuario con adaptación de menús,
acceso a datos e acceso aos menús de procesos de toda a aplicación.
Segundo explica a empresa, Exit ERP Pro e Exit ERP Express son “dúas
solucións de xestión empresarial que satisfán os requirimentos de
negocio e medianas e empresas empresas, permitindo a optimización
dos procesos e máis a integración das tarefas establecidas pola
empresa a través dunha solución tecnoloxicamente robusta e
moderna”.
Estas serían as características principais e
funcionalidades da plataforma: integración eficiente, xestión de
perfís e permisos, múltiples sesións e delegacións, multiempresa,
xestión documental, conectividade remota, modularidade e capacidade
de evolución, facilidade de uso, achega de alertas e alarmas e
fornecemento de iconografía de doada identificación. Ademais,
posibilita
a exportación de datos a Excel e formato PDF e o envío de
documentos e facturas por correo electrónico, amais de achegar
filtros de usuario en pantallas e listaxes. Tamén subministra unha
única base de datos para toda a aplicación e funcionalidades para
facilitar a rastrexabilidade de documentos e información (o que se
coñece como trazabilidade).