MeteoGalicia achega información sobre as praias galegas e estrea unha nova aplicacións para iPhone
luns, 12 de agosto do 2013
A páxina web de MeteoGalicia conta dende esta semana cunha sección
na que se ofrece predición meteorolóxica especÃfica e detallada para preto de
700 praias galegas. Trátase de predicións para tres dÃas e tres franxas
horarias (mañá, tarde e noite). Incorpórase á predición a probabilidade de
choiva e un meteoro de vento que identifica a intensidade e a dirección do
vento. Esta nova sección tamén disporá de información das mareas nos tres dÃas
de predición para o porto de referencia.
Meteogalicia tamén vén de poñer en funcionamento unha nova
aplicación para móbiles denominada MeteoRoute que permite consultar a predición
meteorolóxica para rutas. Esta ferramenta resulta útil na planificación de
viaxes de distinto tipo: coche, barco, bicicleta e sendeirismo. Esta
aplicación, desenvolvida ao abeiro do proxecto RAIAco, está dispoñible para
teléfonos con sistema de iOS e proximamente para Android.
A ferramenta aporta a predición detallada para cada punto da
ruta. Cabe precisar que a hora de inicio da ruta é seleccionada polo usuario
comodamente. As horas de paso polos seguintes lugares calcúlanse
automaticamente. Para as rutas en barco, o usuario indica a velocidade media.
O usuario crea as rutas indicando a orixe e fin e tamén
seleccionando os lugares de paso sobre o mapa na pantalla. Pódense importar
rutas xa existentes dende ficheiros. Os percorridos habituais poden gardarse
como favoritos e cada vez que se consulten amosen a predición actualizada.
O proxecto RAIAco, financiado pola Unión Europea a través do
Programa de Cooperación Transfronteiriza Galicia-Norte de Portugal é coordinado
por MeteoGalicia e ten como obxectivo achegar as predicións dos modelos fÃsicos
a usuarios finais a través de xeración de produtos especÃficos para fins
concretos. Tanto o novo servizo de predición para praias galegas como a
Aplicación MeteoRoute permiten ao cidadán planificar as súas actividades de
traballo e lecer en función da meteoroloxÃa.
Neste senso, nas vindeiras datas MeteoGalicia tamén porá a
disposición do público en colaboración co Instituto Hidrográfico de Portugal
dentro do Observatorio RAIA predicións especÃficas para surfistas nas praias
galegas.