Medio Rural lanza app de balde para facilitar a clasificación nos matadoiros
luns, 28 de xaneiro do 2019
A
Consellería
de Medio Rural vén de achegar unha ferramenta móbil desenvolvida
para facilitar o traballos dos operarios dos matadoiros. Máis
polo miúdo, para axudalos na clasificación dos canais de vacún. A
aplicación, chamada denominada SEUROBov_Imaxes, adapta ao plano
dixital os trípticos editados como guías de referencia para a
clasificación dos corpos dos animais, seguindo o modelo europeo. A
app vén da man de Fernando Vázquez, inspector da unidade de control
da calidade das producións gandeiras da Consellería do Medio Rural.
Nun
plano máis detallado, a aplicación facilita a actividade dos
traballadores xa que poderán consultar tanto en tableta como en
smartphone as características que deben reunir os canais, así
como consultar imaxes. O obxectivo, sinala Medio Rural, é que sexa
“un instrumento de referencia no proceso de formación de
clasificadores e tamén unha fonte de acceso rápido aos modelos de
canais para todos os implicados na comercialización desta carne:
inspectores, clasificadores, alumnos, operadores comerciais,
responsables de calidade, etc”.
SEUROBov_Imaxes
está dispoñíbeis para dispositivos Android de xeito gratuíto a
través de Google Play. Ademais, funciona en todas as linguas
oficiais de España, así como en inglés, francés, italiano,
neerlandés, polaco e portugués. Segundo explica Fernando Vázquez,
“o seu manexo é sinxelo e está aberta a melloras a través de
comentarios e suxestións”. As novidades iranse incorporando de
maneira automática nas vindeiras descargas e actualizacións.