MediaMarkt busca 75 profesionais para a súa estrea en Santiago
venres, 16 de xuño do 2017
MediaMarkt,
a compañía multinacional de distribución de electrónica de
consumo, vai abrir sede en Santiago. De feito, fontes da empresa xa
confirmaron que abriron o proceso de selección para cubrir os 75
postos de traballo que precisa para o seu novo establecemento
compostelán. Segundo informa a firma, as candidaturas xa ponde
presentarse a través do portal Únete
a Nós da web de MediaMarkt. O prazo remata o vindeiro 30 de
xuño.
A
idea da compañía no que ao proceso de busca de profesionais e
contratacións se refire, é aplicar novamente a estratexia de seu
para estes procedementos: procurar unha equipa de traballadores que
saliente “polo seu dinamismo, o seu entusiasmo pola tecnoloxía e,
sobre todo, por unha excelente orientación ao cliente”.
De
feito, entre os perfís que precisa incorporar atópanse as funcións
de atención e servizo ao usuario en todos os seus ámbitos, así
como perfís de xestión de mercadoría e distribución.
A
empresa tamén engadiu que con este novo proceso, está demostrar
unha vez “o seu compromiso coa creación de emprego no ámbito
estatal”. Un compromiso que se vai materializar este ano a través
da xeración de 250 novos postos de traballo grazas á apertura de
dependencias en Preciados (Madrid), Nevada Shopping (Granada) e
Santiago de Compostela.