Media Markt Ferrol abre as súas portas este xoves
mércores, 23 de outubro do 2013
Media Markt,
multinacional xermana de distribución de electrónica de consumo,
inaugura este 24 de outubro ás 8 da mañá a súa nova tenda en
Ferrol. O establecemento é o número 71 en España e o cuarto en
Galicia (A Coruña, Vigo, Lugo e, agora, Ferrol). Media Markt Ferrol
conta cun total 53 empregados, dos cales o 90% reside na localidade e
na súa contorna e atopábase até o de agora en situación de
desemprego, tal
e como sinalamos hai uns meses dende Código Cero facendo mención
do sobre o papel encomiábel proceso de contratación levado a cabo
pola cadea.
Segundo informa a
multinacional, “o equipo de profesionais especializados en cada
unha das áreas de venda estará ao servizo dos clientes para
asesorarlles persoalmente e resolver calquera petición sobre os
produtos que comercializa a compañía”.
A superficie total do
novo establecemento supera os 2.400 metros cadrados e achega unha
oferta de máis de 45.000 produtos “de primeiras marcas no sector
das novas tecnoloxías, a electrónica, a informática doméstica,
produtos de lecer e electrodomésticos”, engade Media Markt, que
explica que apostará especialmente por potenciar a súa área de
televisores, con máis de 150 modelos e entre os que salientan
aqueles que integran tecnoloxía 3D e LED, ademais das novidades en
tablets e tecnoloxía. Jorge Medina, xerente de Media Markt
Ferrol, explica que “na nosa tenda os ferroláns poderán atopar
todas as máis recentes novidades tecnolóxicas a prezos nunca vistos
na zona”. Ao seu xuízo, “é unha gran nova para a cadea chegar a
Ferrol para fornecer o noso pequeno gran de area, xerando 53 postos
de traballo nunha zona tan afectada polo desemprego”.