Marvel continúa a adaptar os seus comics ao actual contorno dixital
luns, 12 de marzo do 2012
- O número 1 de Avengers vs X-Men estreará o formato Marvel Infinite Comics
Dende
a editorial Marvel parecen decididos a revolucionar o mundo dos comics, e tras
anunciar que van
incluír códigos de descarga nas súas edicións en papel, agora anuncian
2 novas pezas do que dan en chamar Marvel
ReEvolution: o formato Marvel Infinite Comics e a aplicación de
realidade aumentada Marvel AR. Deste volta haberá que agardar moi pouco para
ver estes novos conceptos en acción, pois chegarán no número 1 de Avengers vs X-Men que chegará ás tendas
norteamericanas o 4 de abril (historia moi agardada por enfrontar ás dúas
principais formación de superheroes da Marvel).
Estas liñas deixan claro que en Marvel ven “os
produtos impreso e dixital coma complementarios, non competitivos”, como
asegurou a pasada fin de semana Dan Buckley, máximo responsable da editora,
quen engadiu que están a traballar na creación de contidos dixitais que
enriquezan as súas edicións impresas.
- Marvel tamén apostará pola realidade aumentada como canle de innovación
O formato Marvel Infinite Comics permitirá a usuarios de smartphones e tablets o acceso a unha nova fórmula narrativa, que
estará dispoñible dende a aplicación móbil
da Marvel (de balde para que merque os comics en papel); mentres que cona
aplicación para iOS e Android chamara Marvel
AR poderase escanear un logotipo especial nos produtos da Marvel para ver
como na pantalla do noso dispositivo móbil aparece integrado na imaxe que capta
a cámara unha figura dos superheroes máis coñecidos que cobra vida ou tamén contidos exclusivos
que distribuiranse de balde a través desta canle.
Presentación en vivo do uso que Marvel fará da realidade aumentada