Mañá celébrase a última sesión do encontro sobre eAdministración do CPEIG
mércores, 9 de maio do 2012
- Fernando Suárez, presidente do CPEIG, será un dos encargados de pechar as xornadas
Onte comezaron na Facultade de Ciencias Económicas
e Empresariais da USC un ciclo de charlas sobre as claves da Administración
electrónica, que organiza o Colexio Profesional de EnxeñarÃa en Informática de
Galicia (CPEIG) e que hoxe celebran a súa segunda xornada.
Na sesión de hoxe, que deu comezo ás 9:30 horas,
interveñen MartÃn Gómez, xerente de BahÃa Software, cun relatorio sobre Iniciativa
Open Data e RISP e MarÃa José GarcÃa Sexto, da AMTEGA, que falará sobre os usos
e aplicacións do portal Open Data, posto a andar pola Xunta de Galicia.
Xa na segunda parte da sesión, intervén VÃctor
Salgado, avogado e socio de Pintos & Salgado, cun relatorio sobre as leis
da transparencia e o dereito a saber; e Carlos Guardián Orta, de Autoritas
Consulting, que versará a súa intervención na liberación de datos para o seu
uso.
Na xornada de mañá, a terceira e última, os
convidados para afondar no avance que permite a Administración electrónica ao
abeiro dos progresos do mundo dixital, son Rafael Millán Calenti, profesor de
dereito mercantil, que achegará a súa visión da contratación electrónica;
Benito Carballo, xerente de proxectos de Altia, que se sumará á charla anterior
cun relatorio sobre as plataformas de contratación electrónica; e Juan Alberto
Ramos Cano, responsable de Contidos Dixitais de Telefónica, que achegará as
claves e segredos do e-commerce, a nova canle de venda en liña.
Pecharán a
xornada Amelia González Brandariz, segunda tenente alcalde do Concello de
Santiago; Emilia Vázquez Rozas, decana da Facultade de Ciencias Económicas e
Empresariais da USC; Fernando Suárez, presidente do CPEIG e Manuel Botana Agra,
catedrático de Dereito Mercantil e director do CEECOOP da USC.