Máis dun milleiro de persoas visitaron Galiciadixital en Pontevedra
luns, 27 de setembro do 2010
Un total de 1.075
persoas se achegaron dende o 14 de setembro ata o pasado martes á
delegación territorial da Xunta de Galicia en Pontevedra para visitar a
exposición itinerante e interactiva da SecretarÃa Xeral de Medios,
Galiciadixital.
Na súa estancia na
cidade a mostra contou con algúns dos seus contidos máis rechamantes, como o
xogo Aerodeslizadores por Compostela,
no que os espectadores teñen a posibilidade de descender pola zona histórica
dunha cidade galega virtual nun futurista aerodeslizador
desenvolvido pola Universidade de Santiago de Compostela (USC).
Galiciadixital permitiu
tamén aos seus visitantes somerxerse nun mundo virtual a través de proxeccións
en tres dimensións como As cidades do
camiño, visualización de imaxes panorámicas de 360º nunhas pantallas que
colgan do teito, onde os usuarios poden realizar paseos virtuais xirando a
pantalla coas súas mans por aquelas cidades polas que discorren os diversos
camiños de peregrinación a Santiago, asà como xogar co canciño Axóuxere ou
converterse en tiraboleiros do Botafumeiro da Catedral de Santiago grazas ao
tiraboleiro virtual, entre outras actividades.
Entre os últimos
contidos incorporados á exposición destaca a pelÃcula en catro dimensións Meta do Camiño. Trátase dunha
curtametraxe en 4-D, é dicir, tres dimensións acompañada por efectos especiais
de vento, aroma e fume, onde un peregrino acompaña e ilustra ao visitante nun
breve percorrido aos lugares máis relevantes da catedral de Santiago de
Compostela.
Por outra banda, os que se achegaron nestes dÃas ás instalacións pontevedresas
puideron gozar dos contidos máis novos e conmemorativos do 25º aniversario da
CompañÃa de Radio Televisión de Galicia (CRTVG), como unha exposición de paneis
nos que se resume a historia do ente autonómico, unha exhibición de obxectos
relacionados coa radio e a televisión ou un vÃdeo conmemorativo dos primeiros
25 anos do ente autonómico, no que se dan cita programas e personaxes
emblemáticos da compañÃa.
Ademais, os interesados
puideron converterse en presentadores dos informativos da Televisión de Galicia
por un dÃa grazas ao Plató Chroma Key, un espazo no que os visitantes se sitúan
e aparecen reflectidos nunha pantalla TFT de gran formato.
Galiciadixital foi visitada, nas súas dúas dimensións de itinerante e
permanente, por preto de 650.000 persoas dende a súa orixe, no ano 2000, o que
a converte na segunda exposición máis visitada de Galicia. A exposición
permanente, con sede no Mosteiro de San Martiño Pinario en Santiago de Compostela,
superou no que vai de verán as 20.000 visitas, e a versión itinerante acolleu
no que vai de ano a 17.110 persoas nas nove localidades galegas polas que pasou
ata o momento.