Máis de 56.000 familias de 13 concellos da Mariña accederon a Internet de alta velocidade desde 2018 grazas a Adamo
venres, 27 de outubro do 2023
A
operadora Adamo fixo balance dos seus traballos despregados na Mariña
de Lugo para dotar a empresas e domicilios dos núcleos rurais de
Internet de alta velocidade, traballos de enxeñaria despregados
dende 2018 e que, en palabras da compañía, supuxeron “un fito no
desenvolvemento recente das comunicacións na provincia de Lugo”.
Segundo fixo saber no seu balance, un total de 56.137 familias da
Mariña accederon a fibra óptica ao longo dos últimos cinco anos.
Os seus fogares atópanse en 13 dos 16 concellos que conforman a
comarca, quedando, por tanto, só tres deles pendentes de
instalación.
Faltan
Ourol, Trabada e O Vicedo
En
concreto, os 13 concellos contan xa co servizo de telefonía, da
internet ultrarrápida de ata 1.000 Mbps e de TV á carta
proporcionado por Adamo son Alfoz, A Pontenova, Barreiros, Burela,
Cervo, Foz, Lourenzá, Mondoñedo, Ribadeo, Riotorto, O Valadouro,
Xove e Viveiro. Desta maneira, Ourol, Trabada e O Vicedo están á
espera de estrear a infraestrutura, o cal producirase, “de maneira
progresiva, entre finais deste ano e principios de 2024”, segundo
as previsións da operadora.
Loita
contra o despoboamento
A
compañía lembra no seu balance que “este avance nas
telecomunicacións da Mariña impulsado por Adamo é un elemento
clave para facer fronte ao despoboamento”. É dicir, a fibra óptica
supón “un freo á marcha dos mozos que se rexistra desde hai anos
en numerosos pobos galegos”, sinala a operadora, engadindo que a
conexión a Internet de alta velocidade (os citados ata 1.000 Mb que
fornece Adamo) permite realizar con garantías actividades hoxe
habituais, como por exemplo o traballo a distancia, a educación en
liña, as compras por Internet, as citas médicas telemáticas ou
gozar de videoxogos, series e películas en remoto, entre outras.
Co
obxectivo precisamente de dotar de conexión de calidade aos sitios
máis apartados, Adamo dispón dunha ferramenta específica: Ola,
veciño! Trátase dun formulario que se pode encher na web da
empresa que permite á compañía avisar ás persoas interesadas en
canto a fibra chegue aos seus fogares.
Cabe
lembrar que a comarca forma parte de todo un plan de expansión da
compañía, que acumula máis de 87.000 vivendas cableadas en 36
concellos lucenses desde 2018. Para sufragar tal actuacións, Adamo
investiu 20 millóns de euros e contratou a 300 traballadores locais
en enxeñería, despregadura, mantemento e comercialización.