Máis de 50 firmas biotech participaron nas citas rápidas online impulsadas por Bioga e GAIN
xoves, 17 de xuño do 2021
O
Clúster Tecnolóxico Empresarial das
Ciencias da Vida (Bioga) celebrou este 17 de xuño a novena
edición da súa Inter
BioSpeed Dating 2021, unha fórmula de encontros innovadora non
só polas temáticas a tratar (a frutífera confluencia entre ámbito
bio e o eido TIC), senón polo formato elixido: citas rápidas de
poucos minutos para crear os alicerces dunha sólida relación futura
entre axentes e representantes do sector biotech, coma se dun
encontro para atopar parella se tratase. Participaron medio cento de
empresas. O obxectivo, crear un ambiente propicio para que saltase “a
faísca do amor empresarial” e se crease a base dun proxecto en
común, foi plenamente conseguido, segundo a organización.
A
fórmula elixida
Bioga
foi pioneira neste tipo de encontros en Galicia. Tomou o modelo fai
nove anos e trasladouno ao mundo das biotech: organizar citas
rápidas con diferentes candidatos ata que aparece a/o pretendente
ideal. As empresas biotecnolóxicas poden elixir mesmo máis dun
“noivo” ou “noiva” para desenvolver algún negocio.
Ao
evento IX Inter BioSpeed Dating 2021, celebrada en formato online
ao 100%, acudiron 54 empresas, entidades e axentes do ecosistema
biotecnolóxico de Galicia, Asturias, Euskadi, Cataluña, Comunidade
Valenciana, Castela e León, Aragón, Madrid e doutros países, como,
por exemplo, Portugal.
Bioga,
co respaldo da Axencia Galega de Innovación (GAIN), ampliou xa o
pasado ano o radio de acción deste networking que fomenta a
xeración de relacións profesionais.
O
Clúster Tecnolóxico Empresarial das Ciencias da Vida, que preside
Carme Pampín, preocupouse de facer un seguimento para coñecer se
esta iniciativa resultaba de utilidade. Na enquisa, arredor do 25%
das empresas que tomaron parte nestas citas rápidas lograron acordos
para pór en marcha unha alianza ou consorcio empresarial ou
iniciaron unha relación cliente-provedor.
Desde
os inicios celebráronse máis de 1.000 encontros entre máis de 250
participantes.
O
Clúster contou coa colaboración de Biocrew Healthcare, Cluster
SIVI, Arahealth e Bioval.
O
BioSpeed Dating de 2020 foi por primeira vez virtual por mor da
pandemia da COVID-19 e segundo informa Bioga, “as circunstancias
deste ano tamén aconsellaron a versión online”. Estaá
pendente de saberse cal será a fórmula máis axeitada para o ano
vindeiro.
O
evento comezou este xoves ás 10.00 horas coa inauguración, a cargo
de Bioga e a Axencia Galega de Innovación. As reunións one to
one, a esencia do encontro, desenvolvéronse entre as 10.30 e as
14.00 horas.