Máis de 40 profesionais acuden ao seminario de axudas europeas á innovación celebrado en Vigo
venres, 19 de outubro do 2012
O Consorcio da Zona
Franca de Vigo convocou este xoves 18 aos empresarios e profesionais
da contorna, interesados en botar man de apoios á innovación, para
informalos en detalle das oportunidades de acceso ao financiamento
europeo actual para a Investigación e o Desenvolvemento (I+D). Na
cita participaron máis de 40 persoas, procedentes dos máis diversos
sectores produtivos (non só das novas tecnoloxÃas e as
telecomunicacións), aos que se lles puxo ao tanto sobre o Sétimo
Programa Marco de I+D da Unión Europea, que achega neste intre, a
través de diferentes iniciativas, máis de 8.000 millóns de euros
en financiamento. Ao encontro tamén acudiron Teresa Pedrosa,
delegada da Zona Franca, e máis os responsábeis do portal
2020horizon, xestionado pola empresa Econet.
No transcurso do
seminario presentáronse diferentes ferramentas de procura e máis os
servizos de información de balde que fornece o devandito portal para
acudirmos con éxito á maior cantidade de convocatorias de axudas.
De feito, 2020horizon é o primeiro portal en español que abrangue
tódolos apoios que a UE destina ás súas polÃticas de promoción
da innovación. Logo da presentación do portal e das súas liñas
estratéxicas, deuse paso á quenda de consultas por parte dos
representantes particulares do sectores aos técnicos de Econet.
Entre outras cousas, fÃxoselles saber que en 2020horizon calquera
usuario pode obter a información precisa para configurar proxectos
de I+D en colaboración grazas á posibilidade de identificar as
prioridades temáticas das convocatorias vixentes, onde mellor
encaixen as súas iniciativas e socios potenciais. Ademais, o portal
tamén permite atopar referencias a proxectos aprobados previamente
co obxectivo de facer unha análise comparativa e poder salientar
aspectos innovadores.