Lady Gaga estrea a súa propia rede social
martes, 10 de xullo do 2012
Littlemonsters.com
é o nome que a cantante Lady Gaga lle puxo á súa propia rede social, que vén de
estrear en versión beta privada.
A ferramenta foi deseñada expresamente para que os
seus fans, que de xeito cariñoso chama “pequenos
monstros” (de aí o seu nome) poidan estar ao tanto do que
acontece o redor da artista, e de paso coñecer a outros fans cos que estar en
contacto.
Lady Gaga converteuse, no pasado mes de maio, na
primeira artista en conseguir 25 millóns de seguidores en Twitter, o que fai
boa mostra da intensa actividade que a artista mantén na Rede cos seus “monsters”.
Agora esa actividade vaise intensificar coa estrea
desta rede social de seu, que está xestionada pola star-up da que a cantante é
accionista: Backplane, unha empresa especializada en solucións de social media
a medida, que ten como obxectivo máis inmediato construír sitios como
Littlemosters para outros famosos.
Littlemonstes.com permite subir fotos e vídeos que
aparecen na páxina de inicio ao estilo Pinterest e tamén participar en
discusións con outros usuarios sobre un tema concreto ou crear eventos.
Asemade, os usuarios teñen o seu propio muro
(similar ao de Facebook) no que aparecen os últimos contidos publicados, e
tamén dispoñen dun servizo de chat co que comunicarse en tempo real.
A maiores ten un apartado tipo axenda no que se
poden ver os eventos da cantante e mesmo comprar dende a aplicación as súas
entradas.