LG mellora a compra de contidos e aplicacións dende os seus Smart TV

Os televisores levan anos procurando avanzar na conectividade en liña, converténdose en Smart TV, pero aínda que entre as súas aplicacións hai numerosas plataformas de contidos audiovisuais en liña, xogos e moitas outras ferramentas, o feito de pagar polos apps e contidos multimedia continúa a ser un grande atranco, o que dende LG queren atallar cun acordo con Playmentwall, compañía que dará aos desenvolvedores a oportunidade de crear aplicacións para webOS que soporten máis de 140 métodos de pagamento en máis de 200 países nos que LG vende os seus televisores.
Con esta nova media a tenda de aplicacións para os televisores de LG amplía considerablemente as súas opcións de pagamento, de xeito que cando agora un usuario prema na opción de compra poderá efectuar o pagamento coa súa tarxeta bancaria dun xeito áxil, manténdose tamén os sistemas de pagamento a través de ordenadores, tabletas ou dispositivos móbiles empregando códigos QR e outros protocolos de verificación segura.