Instagram mellora a xestión de comentarios
mércores, 7 de decembro do 2016
Para
facer de Instagram un lugar máis seguro no que expresarse nos últimos meses
veñen introducindo no servizo distintas medidas que faciliten, por exemplo, o
filtrado de comentarios en función de palabras chave, e para mellorar esta
experiencia veñen
de introducir un par de novas funcionalidades moi de agradecer: por unha
banda será posible desactivar os comentarios de calquera publicación en
calquera momento (tanto na configuración avanzada no momento da publicación
como desactivando os comentarios cando xa estea visible) e tamén é posible
premer nunha icona dun corazón xunto a cada comentario, como un xeito de
transmitir positividade aos comentarios da comunidade.
Estas funcionalidades xa están dispoñibles de xeito xeral, aÃnda que é posible
que algún usuario tarde en poder gozar das mesmas en función da velocidade de
espallamento entre os millóns de usuarios do servizo.
Outras novidades de Instagram é que agora facilitan aos usuarios que teñen a
súa conta como privada a posibilidade de bloquear a seareiros que aprobaran
anteriormente, sen que a persoa bloqueada reciba ningún tipo de notificación; e
tamén permÃtese denunciar anonimamente as publicacións nas que se sospeite que
un usuario poderÃa ter intencións de auto-lesionarse.