Ineo convoca este venres ás súas empresas para avaliar as vantaxes da RedTEIC
mércores, 16 de marzo do 2011
A asociación empresarial Ineo quere fomentar o fluxo de coñecemento no
seu seo, entre os socios e dos socios coa entidade mesma, amais de reforzar as
posibilidades de colaboración cara a posta en marcha de proxectos innovadores
conxuntos. Este é un dos grandes obxectivos das xuntanzas inseridas no programa
Ineo Meeting World, un tipo de foros encamiñados a satisfacer unha demanda ben
concreta entre as compañÃas que integran a asociación galega: a demanda de
coñecemento interno. Dentro do programa sitúase, precisamente, a xuntanza que
se celebra este venres 18 de marzo na Coruña, na sede da Fundación
Novacaixagalicia.
Un dos obxectivos de Ineo, amais dos
devanditos, é o de tirar proveito deste encontro para facer unha miúda
explicación das utilidades que ofrece RedTEIC.
Esta rede é entre outras cousas unha
ferramenta en liña na que están rexistradas tódalas empresas integrantes e que,
malia isto, non está achegando todo o potencial que atesoura, en parte porque
se descoñecen as enormes funcionalidades que ofrece.
O foro, que está aberto á inscrición a través
da conta de correo comunicacion@ineo.org,
dará comezo sobre as 11.00 horas coa presentación, precisamente, das vantaxes e
beneficios da RedTEIC, que será avaliada polo miúdo por Gloria DÃaz, xerente de
CONETIC (a través de tecnoloxÃa de videoconferencia) logo da presentación de
Jorge Cebreiros e LucÃa Gregorio, presidente e directora xeral de Ineo,
respectivamente. A primeira parte do foro tamén incluirá a exposición de dous
casos empresariais de éxito sobre a dita ferramenta en liña, o primeiro deles
analizado por Borja López, director xeral de Donosti Frame, e o segundo por
Luis MartÃn, director xeral de Webalianza.