Incorpórase a Coremain o ex director de sanidade de Software AG

A galega Coremain vén de informar de novidades na súa directiva. Falamos da incorporación de Enrique Paseiro como responsable máximo do Sector de Sanidade na empresa, achegando a súa ampla experiencia nas Tecnoloxías da Información e Comunicación no eido sanitario. De feito, informa Coremain foi durante máis dunha década xefe do Servizo de Informática do Sergas e, logo, dirixiu unha das principais divisións de Software AG (aquí podemos ver unha entrevista sobre o seu labor), a de sanidade.
Até o día de hoxe, o seu labor en AG estaba ligado a achega de ferramentas e servizos dixitais a sete novos hospitais da Comunidade de Madrid, iniciativa que (por certo) dirixía. O seu currículo complétase cunha listaxe importante de experiencias concretas vinculadas á comunicación presencial: xornadas, encontros en xeral, seminarios e relatorios, sobre todo de índole de formación científica.