IBM lanza un paquete de software de balde que pode suplir ó Office

A multinacional estadounidense IBM vén de anunciar o lanzamento dun paquete de aplicacións composto por un conxunto de ferramentas de balde que lle axudarán ós usuarios a crear e compartir documentos e presentacións nos seus entornos de traballo ou na casa. Baixo o nome de IBM Lotus Symphony, estas aplicacións están deseñadas, segundo a empresa, “para levar a cabo a meirande parte das tarefas de oficina máis habituais” e poderán empregarse tanto con Windows como con Linux.
As aplicacións que ofrece este novo software libre creado polo xigante azul son tres: Lotus Symphony Documents, Lotus Symphony Spreadsheets e Lotus Symphony Presentations que levan a cabo funcións similares ó Word, Excel e PowerPoint respectivamente.
As ferramentas están dispoñibles de xeito gratuíto na páxina web da compañía, máis de momento, só se poden descargar en inglés.