HP permite manexar as súas impresoras sen fíos dende Windows Phone

Unha das grandes vantaxes das impresoras modernas é a posibilidade de comunicarse coas mesmas sen fíos, o que non só facilita o seu uso dende equipos portátiles, senón tamén dende dispositivos móbiles, e agora HP facilitan que os usuarios de terminais con Windows Phone 8 tamén poidan gozar dese tipo de funcionalidades coas súas impresoras grazas á nova aplicación HP AiO Remote, que permite imprimir fotografías e documentos PDF, comprobar os niveis de tinta ou tóner, comprobar o estado da impresora e incluso capturar documentos empregando a cámara do teléfono.
A aplicación atopa as impresoras HP que estean na mesma rede Wi-Fi que o smartphone e pode empregar a cámara do teléfono a xeito de scanner, tanto para imprimir os resultados directamente ou para o seu gardado a través de One Drive. Algunhas das características poden diferir en función do modelo de impresora.