Grande actualización da aplicación de Facebook para Windows Phone 8
luns, 1 de xullo do 2013
Os
usuarios de móbiles con Windows Phone 8 están a recibir dende hoxe unha
importante actualización da aplicación
oficial de Facebook, que realmente é a aplicación que leva uns meses en
probas como Facebook
Beta, decidindo Microsoft que xa era hora de que pasase a converterse na aplicación
oficial da plataforma social de Mark Zuckerberg tras a súa maduración e sen
pechar realmente a aplicación en probas, que manterase para que os usuarios que
queiran estar á última poidan probar as novidades que se irán a incorporando na
aplicación paulatinamente (aceptando asà o risco que supón empregar unha aplicación
en probas). Os
usuarios de Windows Phone 7.x tamén recibirán esta actualización durante o
verán.
A nova versión de Facebook para Windows Phone 8 supón un importante cambio na
aparencia da aplicación, que presenta melloras na navegación, soporta imaxes de
alta resolución, facilita compartir entradas... en definitiva, supón un avance
nunha aplicación que consegue ter unha personalidade de seu nos sistema
operativo móbil de Microsoft, sen parecer unha adaptación das aplicacións
oficiais de Facebook para iOS e Android.