Gradiant pon na App Store unha aplicación para enviarmos tarxetas personalizadas de Nadal
mércores, 19 de decembro do 2012
O centro galego Gradiant
vén de pór na
App Store unha máis que interesante aplicación, con vistas ás
festas que se nos veñen enriba, deseñada para facilitarnos as
cousas de cara a felicitar o Nadal, e dun xeito creativo e orixinal.
A ferramenta chámase SmileCards, e pódese atopar de xeito doado,
tamén, procurando Gradiant dende os trebellos iPhone ou iPad.
Trátase dunha aplicación de balde, para facermos a nosa propia
felicitación personalizada da nosa faciana e compartila logo con
quen desexemos compartila.
Segundo nos contan dende Gradiant, todo
é proceso é automático e moi intuitivo. Unicamente hai que pórse
diante da cámara e sorrir. SmileCards está baseada en tecnoloxÃas
de tracking facial, e de recoñecemento dos trazos propios dos
usuarios que, como lembraremos, é
unha das moitas liñas de traballo do centro vigués de I+D.
Tamén se basea en tecnoloxÃas avanzadas de análise emocional,
estimando o nivel de sorriso do usuario e personalizando, deste xeito
e nunca mellor dito, a tarxeta.