Google propón as videoconferencias como ferramenta formativa
martes, 5 de novembro do 2013
Para resolver problemas informáticos, recibir clases de
música ou obter axuda cos nosos deberes Google
ofrece unha nova solución baseada na videoconferencia, Helpouts, que fai
uso de ordenadores e dispositivos con Android para comunicar persoas para
solucionar os seus problemas con independencia de momento e o lugar, pois busca
que sempre sexa doado atopar a alguén que nos poida axudar.
Esta nova plataforma permite que poidamos ter unha resposta a un problema
actual, como instrucións para arranxar a porta dun garaxe, eliminar un virus
informático do noso ordenador, recibir clases ou practicar idiomas, recibindo
as persoais que ofrezan eses servizos unha compensación económica (aÃnda que
actualmente hai moitas persoas que colaboran de xeito altruÃsta, posiblemente
para gañar reputación). Os usuarios insatisfeitos poden solicitar o reintegro
da cantidade aboada.
A axuda a través de Helpouts pode chegar de particulares ou de empresas (por
exemplo, Sephora
imparte clases de maquillaxe), ou sexa, que pode converterse nunha
importante plataforma de atención ao cliente. Cando un usuario se incorpora a
un Helpout non só pode falar co seu interlocutar, senón que tamén pode
compartir a pantalla do seu ordenador, colaborar editando unha presentación ou
gravar a sesión, na liña dos Hangouts de Google+.
Polo momento os Helpouts contan cun
número reducido de categorÃas (Arte e Música, Informática e Electrónica,
Cociña, Educación, Moda e Beleza, Fitness e Nutrición, Saúde e Casa e XardÃn)
que irán enriquecendo segundo vaia evolucionando este servizo que vén de botar
a andar.
VÃdeo de presentación dos Helpouts de Google