Google presenta unha iniciativa para acelerar a carga de páxinas web no móbil
mércores, 7 de outubro do 2015
Google
anunciou hoxe un novo proxecto emprendido en colaboración con numerosos medios
de comunicación de todo o mundo para intentar mellorar a actual situación do
consumo de información no móbil, que consiste nunha iniciativa de código aberto
chamada Accelerated Mobile Pages (que,
de feito, xa está publicada en
GitHub), e que busca mellorar significativamente o rendemento das páxinas
web móbil, conseguindo que páxinas con grande cantidade de contido como vÃdeos,
animacións, gráficos, anuncios... poidan cargar instantaneamente e cun código
que funcione en múltiples plataformas e dispositivos.
Neste momento non só hai máis de 30 editores de todo o mundo colaborando coa
iniciativa, senón que tamén están a participar socios tecnolóxicos como
Twitter, Pinterest, WordPress e LinkedIn, de xeito que esperan que nos
vindeiros meses poida avanzar este proxecto que consiga unhas páxinas web
móbiles mellores, que poidan levar a información dun xeito áxil a ferramentas
de mensaxerÃa, lectores de novas e plataformas sociais.
Para facer que funcione esta tecnoloxÃa nun navegador web moderno pártese dunha
versión limitada de HTML que prioriza a velocidade sen impor patróns de deseño
e compleméntase cunha solución de caché
na nube, de xeito que algúns contidos poderán gardarse na Rede, para axilizar a
súa carga, ofrecendo Google tal espazo de caché
sen custo (non sendo preciso o seu uso, e podendo empregarse cachés de terceiros).
Espérase que esta tecnoloxÃa poida implantarse a grande velocidade grazas á
participación de axentes como WordPress, que xa está a traballar na integración
do framework de AMP na súa páxina
web, de xeito que os seus blogs poderán aproveitar a tecnoloxÃa de AMP dentro
de poucos meses.
AMP non só pretende achegar os mecanismos para publicar contidos ricos, dos que
poder facer un seguimento, senón que tamén poderá axilizar a súa distribución e
incluirá numerosos formatos publicitarios centrados en non prexudicar a
experiencia móbil do usuario. Tamén integrará funcionalidades propias dos
editores como son os modelos de subscrición e os muros de pagamento, denotando
asà que este framework está a
desenvolverse en colaboración coa industria dos contidos.