Google merca Songza
mércores, 2 de xullo do 2014
Google continúa a mercar outras compañÃas, e a última
incorporación ao xigante de Montain View é a empresa de streaming musical Songza, que anuncia na súa páxina web que agora
forma parte de Google, o que non suporá ningún cambio inmediato no servizo.
Nesta operación podemos ver paralelismos coa compra de Beats por parte de
Apple, xa que vese unha tendencia por parte das grandes empresas tecnolóxicas na
que buscan posicionarse mellor no mercado musical.
O servizo de Songza consiste na creación de listaxes de reprodución temáticas
moi traballadas, que buscan adaptarse ao estado de ánimo do usuario, achegando
seleccións musicais moi completas que poden atoparse non só por artista,
canción ou xénero, senón tamén por temática, intereses, épocas... o que permite
descubrir moita música axeitada para case calquera ocasión, distando dos
sistemas de recomendación automática que teñen moitas plataformas de radio en
liña.