Google mellora o uso do español no buscador e en Gboard
mércores, 13 de decembro do 2023
Google está a anunciar
que o seu buscador e o seu teclado para dispositivos móbiles mellorou o seu
funcionamento en español grazas á colaboración
coa Real Academia Española (RAE) a través do proxecto LEIA (Lengua Española
e Inteligencia Artificial) posto en marcha hai 5 anos e que permite mellorar
o uso do español no contorno tecnolóxico.
O teclado de Google para dispositivos móbiles, Gboard, mellorou
considerablemente grazas á incorporación do repertorio léxico do dicionario da
RAE e da ASALE, o que sumado a sistemas de aprendizaxe automática facilitou
unha mellor substancial na corrección automática da acentuación e de signos de
puntuación.
Esta mellora non só permite un mellor uso do español no móbil, senón que tamén
mellora a velocidade de escritura, especialmente para palabras como GarcÃa,
Coruña ou ángulo (que serÃan lentas de teclear de xeito tradicional). Tamén se
incorporaron ao teclado centos de milleiros de palabras novas (como ibuprofeno,
SMS ou tempura), que agora terán unha mellor corrección e escritura.
O buscador de Google tamén integrou esta semana o dicionario da RAE, de xeito
que se buscamos unha definición dunha palabra non teremos que visitar a páxina
web da RAE, senón que aparecerá o resultado directamente no buscador,
axilizando asà as consultas.
Dende Google tamén apuntan que grazas ao proxecto LEIA tamén melloraron
tecnoloxÃas como a redacción intelixente e as suxestións gramaticais en español
en Google Docs.