Google dixitalizará 300 mil libros de cinco bibliotecas catalás
xoves, 11 de xaneiro do 2007
Google quere caer ben en Catalunya? Posiblemente, mais de seguro
que non é mal xeito de comezar poñendo a disposición dos seus habitantes e dos
do mundo enteiro 300 mil libros das súas bibliotecas a través de Google Books.
Trátase de obras case todas escritas en catalán (aÃnda que hai volumes en
castelán, francés, latÃn, inglés ou alemán) que non están protexidas por
dereitos de autor e que proceden de cinco grandes espazos de lectura e
consulta. Este labor de dixitalización en concreto comezou no intre en que
Google asinou un convenio de colaboración coas devanditas cinco bibliotecas
catalás, a través do que se unen a unha iniciativa integrada por institucións de
toda Europa e Estados Unidos.
No acordo tomaron parte a Biblioteca de Catalunya (voceira do grupo), a do
Monasterio de Montserrat, a do Seminario de Barcelona, a do Ateneu Barcelonés e
a do Centro Excursionista de Catalunya.
Entre as obras que se van pendurar na Rede hai libros de Cervantes, Jacint
Verdaguer ou Ramon Llul. Google achegará a parte económica e tecnolóxica do
proxecto. Cómpre sinalar que estas cinco institucións non son as primeiras que
se vinculan á iniciativa dende o estado español, xa que nela xa participa a da
Universidade Complutense de Madrid (a primeira en facelo).