Google Translate facilita a tradución de textos sen saÃr da aplicación actual
mércores, 11 de maio do 2016
- A tradución visual de Google funciona agora tamén en chinés
Google anunciou hoxe unha importante
actualización no seu servizo de tradución para móbiles, que agora conta coa
opción Tap to Translate en Android, que supón un importante atallo para a
tradución que consiste en que, cando copiamos un texto nun idioma estranxeiro,
contaremos cun acceso rápido á súa tradución sen ter que saÃr da aplicación
principal, o que resulta moi práctico dende en conversas de WhatsApp até dende
calquera outra aplicación na que atopemos textos nos 103 idiomas soportados por
Google Translate para terminais que conten con Android 4.2 ou superior.
O tradutor tamén mellorou en iOS, de xeito que a súa funcionalidade fóra de liña equipárase á versión para
Android, de xeito que precisa de menor cantidade de datos (os paquetes de
idioma reducÃronse un 90% até quedar en 25 MB). O modo de fóra de liña tamén é
compatible con Tap to Translate.
E para completar as novidades, chega un cambio moi importante, como é a
incorporación do chinés en Word Lens, o que permite traducir textos en chinés
simplificado ou tradicional de xeito visual, con só enfocar a cámara do móbil
ao texto impreso que queiramos traducir, que veremos en tempo real na pantalla
e que, unha vez máis, tamén funcionará fóra de liña.
Presentación de Tap to Translate