Google Meet identifica aos usuarios que provocan eco nas chamadas grupais
martes, 24 de agosto do 2021
- Unha notificación alerta ao usuario que provoca eco en Google Meet
Durante a realización de videochamadas en grupo é bastante
habitual que algún dos usuarios provoque molestos ecos que estraguen a experiencia
conxunta, e para atallar tal situación Google Meet está a incorporar unha nova
funcionalidade que consiste en que, cando
o servizo de videoconferencia non é quen de suprimir un eco, alerta ao usuario
que o provoca a través dunha notificación que levará a unha serie de
recomendacións para solucionar o problema.
Entre os consellos habituais para evitar os ecos están o uso de auriculares, a
redución do volume dos altofalantes e silenciar o micrófono cando non se fala. Precisamente
silenciar o micrófono cando non se ten a quenda de palabra é unha recomendación
que está a incorporarse ao protocolo que debemos seguir na meirande parte das plataformas
que permiten a conversa grupal, o que nalgunhas plataformas resulta de especial
utilidade xa que cando un usuario abre o micrófono indicarÃa que ten intención
de comentar algo, contribuÃndo asà á moderación das conversas (nas plataformas que
deixan visible o estado do micrófono dos participantes).
A nova funcionalidade de Google Meet estará dispoñible para todos os usuarios
do servizo antes do remate da semana que vén.