Google Meet achegase ao televisor a través de Chromecast
martes, 18 de agosto do 2020
No confinamento disparouse o uso das ferramentas de videoconferencia
en grupo para xuntanzas de traballo e para clases en liña, e dende Google
queren incrementar as posibilidades da súa solución, Google Meet, incorporándolle
compatibilidade con Chromecast, de xeito que cando esteamos nunha xuntanza
en liña poderemos proxectala nos televisores do fogar, o que pode resultar moi
práctico para, por exemplo, seguir unha lección nunha pantalla de grande tamaño
(o que pode ser moi práctico para usuarios que accedan a Meet mediante
smartphones).
Poder levar as xuntanzas de Meet ao televisor tamén pode resultar atractivo
para xuntanzas de amigos e familiares, asà como para reunións de traballo, achegando
a comodidade dunha pantalla de grande tamaño para ver ao resto de participantes
na xuntanza.
Para poder gozar de Google Meet en Chromecast é preciso que o noso dispositivo teña
a última versión do seu firmware instalada.