Google Maps para Android incorpora check-ins
martes, 1 de febreiro do 2011
A febre das
aplicacións para facer check-in dende
o móbil para indicar aos nosos amigos en qué establecementos estamos nun
momento dado valéndonos do GPS para a
nosa xeolocalización chega agora a
Google Maps, de xeito que a
versión 5.1 para Android desta aplicación mellora a súa integración con
Latitude engadindo a posibilidade de combinar a nosa situación con locais
que haxa ano noso redor. Esta funcionalidade resulta práctica para que, por
exemplo, os nosos amigos e familiares poidan saber que estamos a tomar algunha
nunha cafeterÃa para que poidan unÃrsenos se están preto do lugar.
Para facilitar o uso desta nova funcionalidade é posible automatizala, de xeito
que podemos elixir que cando cheguemos a certos lugares en concreto o noso móbil
faga check-in sen a nosa intervención,
á vez que tamén fará check-out cando
deixemos o local en cuestión.
Entre as vantaxes de integrar o check-in
en Google Maps está o feito de que intégrase nunha ferramenta moi completa que
facilita o salto entre distintas aplicacións, de xeito que ao chegar a un local
podemos comprobar a súa páxina en Google Places ou empregar o sistema de
navegación GPS para chegar ao local onde están os nosos amigos. Amais, se
frecuentamos algúns locais o sistema indicará a nosa fidelidade mediante
distintos niveis (como habitual, VIP e gurú).
Estas novidades chegarán pronto ás
aplicacións de Google para iPhone, e só son un paso máis da estratexia de
Google de cara a potenciar as buscas locais dende o móbil.