Google AdSense estrea aplicación para Android
xoves, 1 de agosto do 2013
Os usuarios que integran o servizo publicitario de Google na
súa páxina web, AdSense, teñen dende hai unhas horas dispoñible
de balde en Google Play a aplicación oficial do servizo para móbiles con
Android 4.0 ou superior, que facilita un acceso rápido e doado aos datos clave
das contas de AdSense, como unha estimación dos ingresos xerados por
publicidade, unha listaxe das principais páxinas web que xestionemos, unha
listaxe coas canles personalizadas que xeren máis ingresos e alertas de
pagamentos, o que parece un bo comezo para esta aplicación que aÃnda está na
súa primeira versión, polo que é de agardar que nos vindeiros meses vaia
progresando en función das esixencias dos seus usuarios.
Agora xa non hai que agardar a ter un ordenador diante para comprobar o
rendemento económico da publicidade que xestionemos nos nosos espazos web,
senón que poderá facerse tal en mobilidade, sempre que sexamos usuarios de dispositivos
con Android (para o resto de plataformas móbiles tamén existen aplicacións
semellantes, pero non son oficiais e normalmente son de pagamento).