Gmail integra chat de voz e vídeo

Para facilitar a comunicación entre amigos e familiares e ante a popularización das cámaras web en equipos informáticos, Google decidiu integrar en Gmail a posibilidade de iniciar sesións de chat de voz e vídeo, opción que é totalmente de balde, e cubre as mesmas funcións que moitas aplicacións de mensaxería instantánea dende a propia plataforma de correo vía web.
Para gozar desta nova funcionalidade de Gmail é preciso acudir www.gmail.com/videochat para instalar o engadido que permite iniciar o chat audiovisual dende a web do sistema de correo electrónico de Google. Amais, este sistema está programado empregando estándares coma XMPP, RTP e H.264, polo que é de agardar que outras plataformas de mensaxería instantánea se adapten para comunicarse co mesmo.

Vídeo de presentación da nova funcionalidade de Gmail