Gmail Notifier Plus avisa das novas mensaxes de Gmail en Windows 7

As aplicacións informáticas pensadas para comprobar periodicamente se recibimos novas mensaxes no noso correo electrónico son tan vellas coma habituais, pero a última da que tivemos noticia resulta innovadora, pois o Gmail Notifier Plus leva as notificacións de mensaxes recibidas intégranse na barra de tarefas de Windows 7 e fai uso de Jump Lists e Live Preview, de xeito que non só avisaría das novas mensaxes recibidas, senón que incluso mostraría un breve fragmento das mesmas.
Non é unha aplicación que sexa notable por anda máis que por poder estar a marcar unha senda aos pequenos desenvolvementos, que poderían estar a aproveitar estes meses antes do lanzamento oficial de Windows 7 para facerse un sitio entre os programas de referencia para o novo sistema operativo de Microsoft, polo que non sorprendería que nas vindeiras semanas aparecesen xestores de descargas ou reprodutores multimedia compartindo esta mesma filosofía.