Gartner sitúa a Optare entre as principais provedoras de servizos de teleco en Europa e Latinoamérica
luns, 8 de xaneiro do 2024
A
empresa
galega Optare Solutions rematou 2023 recibindo un importante
recoñecemento por parte da renomeada consultora Gartner. No seu
recente informe titulado «T Service Provider Selection Guide for
CSP CIOs, Gartner posicionou a firma Optare Solutions como unha
das provedoras máis relevantes no sector das telecomunicacións,
tanto no mercado europeo como no latinoamericano.
A
distinción de Optare Solutions como un dos poucos “provedores
rexionais” subliña, en palabras da empresa galega, “a nosa
presenza significativa en ambos os continentes, a través das nosas
sedes estratexicamente situadas en Vigo (España) e México”.
A
consultora estadounidense destaca tamén a natureza “Telecom-Native”
de Optare Solutions, recoñecendo o seu profundo coñecemento e
dedicación exclusiva ao ámbito das telecomunicacións.
O
informe de Gartner salienta especificamente a experiencia e
competencias de Optare Solutions en áreas clave como tecnoloxías
BSS (Business Support Systems), OSS (Operational Support
Systems) e API (Interface de Programación de Aplicacións).
Este enfoque especializado, explican dende a empresa, “posiciónanos
como líderes na implementación e optimización de sistemas que
apoian as operacións empresariais e a infraestrutura técnica no
sector das telecomunicacións”.