Galicia contará cun Plan 5G
xoves, 26 de xullo do 2018
O presidente da Xunta avanzou hoxe a posta en marcha do Plan Galicia 5G, que permitirá á nosa comunidade captar solucións tecnolóxicas en fase piloto baseadas neste método ultrarrápido de transmisión de datos. Esta medida ten un dobre obxectivo: Por unha banda, converter a Galicia nun dos primeiros territorios europeos en dispoñer desta tecnoloxÃa e, pola outra, conseguir que se instalen na nosa comunidade os equipos de desenvolvemento de equipamento e software necesarios.
Para iso, o Plan Galicia 5G márcase catro liñas de actuación
con medidas concretas:
1. Elaborar unha ordenanza municipal tipo, promovida pola
Xunta e a FEGAMP. Deste xeito, definirase un catálogo de solucións técnicas
válidas e porase en marcha unha Oficina de asesoramento 5G para os concellos.
2. Poñer en marcha o Nodo de cooperación rexional 5G,
coordinado polo operador público Retegal.
3. Lanzar, entre este ano e o próximo, as primeiras probas
de concepto baseadas nesta tecnoloxÃa.
4. Crear un Plan de formación especializada.
Galicia ten potencial suficiente para acoller
desenvolvementos que faciliten despregar redes 5G nunha fase posterior. E é que
a nosa comunidade conta cun sector TIC potente con 21.000 profesionais e preto
de 3.400 empresas; con universidades e centros de referencia; e con proxectos
innovadores relacionados co 5G, como o Consorcio Aeronáutico de Galicia ou o
corredoiro Vigo-Oporto.
En concreto, esta tecnoloxÃa indispensable na evolución de
elementos innovadores permitirá impulsar a transformación dixital do rural, mellorar
a atención ás persoas maiores ou con doenzas crónicas, prestar servizos médicos
a distancia e ofrecer servizos turÃsticos máis especializados.