GAIN mostrou ante os innovadores peruanos a súa Estratexia de Especialización Intelixente
venres, 25 de marzo do 2022
A
directora da Axencia Galega de Innovación (GAIN), Patricia
Argerey, recibiu esta semana en Santiago, na sede da axencia, a unha
delegación da rexión peruana de Tacna interesada en coñecer as
polÃticas públicas de innovación de Galicia e a articulación do
sistema galego de I+D+i. O encontro realizouse con vistas a explorar
oportunidades de cooperación internacional neste ámbito.
A
cita produciuse no marco do Plan de Desenvolvemento do Ecosistema
Rexional de Investigación de Tacna. Os integrantes da expedición
peruana interesáronse pola Estratexia de Especialización
Intelixente (RIS3) de Galicia, asà como pola experiencia de
cooperación neste ámbito con Portugal, ademais de afondar na
relación entre administración, empresas e centros tecnolóxicos e
de coñecemento.
A
rexión de Tacna sitúase no sur de Perú, fronteiriza con Chile e
Bolivia. Conta cun forte sector mineiro, e ademais son os principais
produtores de oliveira e ourego a nivel nacional, con máis do 80% da
produción peruana. A delegación que visitou a Axencia Galega de
Innovación está integrada por 15 persoas entre as que se inclúen
representantes do Instituto Nacional de Innovación Agraria,
asociacións de oliveira e ourego, Cámara de Comercio, Cámara de
Turismo, e do ámbito universitario.
