GAIN mobiliza 7,2 millóns nas dúas novas edicións da aceleradora de proxectos aeronáuticos BFAero
luns, 11 de abril do 2022
A
Axencia
Galega de Innovación (GAIN) vai mobilizar 7,2 millóns de euros para
dar continuidade á aceleradora BFAero, centrada en dar
oportunidades, visibilidade e recursos ao puxante sector aeronáutico
galego. Farao con dúas novas edicións e na compaña do IGAPE,
Xesgalicia e a Fundación CEL Iniciativas por Lugo (con quen GAIN vén
de renovar o acordo de colaboración que dá sustento a BFAero). O
obxectivo é dar apoio a 25 empresas do dito ámbito de acción.
O
obxectivo, máis polo miúdo, é “fortalecer o posicionamento
internacional das empresas participantes e promover así a creación,
aceleración e consolidación de pemes innovadoras na cadea de valor
do aeroespacial de Galicia, para que capten, atraian e reteñan
talento e contribúan a xerar pegada industrial e a incrementar a
proxección internacional deste sector”.
Na
fase de incubación, entrarán aquelas empresas en fase temperá que
se atopan entre o nacemento da idea e a validación do modelo de
negocio. A fase de aceleración, de oito meses de duración, será
para empresas xa existentes con alta capacidade de crecemento, un
modelo de negocio validado e un determinado volume de facturación.
Como
novidade, establécese unha nova fase de consolidación de 4 meses de
duración dirixida a empresas galegas da industria aeroespacial cunha
antigüidade máxima de ata 7 anos e con alta capacidade de
crecemento, que teñan xa un produto definido e vendas reais.
A
previsión é que se realicen dúas convocatorias. A primeira delas,
entre abril e xuño de 2022. Logo, en outubro deste mesmo ano
abrirase a convocatoria da quinta edición para incubación e
consolidación e, entre maio e xuño de 2023, para aceleración e
unha segunda de consolidación.
Nas
tres convocatorias anteriores, participaron 19 empresas, creáronse 8
novas e, aproximadamente, 60 empregos, cun investimento que acadou os
5M€.