Francisco Conde destaca a importancia das competencias dixitais no mercado laboral
venres, 25 de outubro do 2019
O conselleiro de EconomÃa, Emprego e Industria, Francisco
Conde, participou esta mañá en Baiona no XVIII Encontro galego de relacións
laborais centrado nas TIC no mercado laboral, no que destacou
a importancia de apostar pola formación e pola incorporación das competencias
dixitais para contar cunha Galicia máis preparada.
Na súa intervención o conselleiro reflexionou sobre o novo
paradigma laboral de continua dixitalización e robotización do traballo e
subliñou que a incorporación desas tecnoloxÃas debe realizarse coa maior
naturalidade posible xa que son o presente desta cuarta revolución industrial.
Unha transformación que permite un novo xeito de entender a actividade
produtiva e que favorecerá o nacemento de novas profesións que aÃnda non
existen.
Por este motivo, a Xunta está centrada en redobrar o esforzo
para ofrecer unha formación que responda ás necesidades actuais, continua e
dual, dando prioridade ás competencias tecnolóxicas. Neste sentido, o orzamento
do ano 2020 reservará 260 millóns de euros para contar cunha Galicia máis
preparada, dando continuidade a medidas como o Plan Galego de Formación; e
incluÃndo iniciativas como un programa dual de emprego para menores de 30 anos
ou técnicas para impulsar a través da formación unha maior presenza das
mulleres na industria.
Conde finalizou convidando a todos os axentes a sumarse a un
traballo conxunto para afrontar os novos retos do mercado laboral para seguir
reinventando a formación e a integración de mellores profesionais nas empresas.