ForGA oferta cursos de ofimática para traballadores das Telecomunicacións
martes, 23 de outubro do 2007
A Fundación para a Orientación Profesional, Emprego e Formación en Galicia, ForGA, vén de poñen en marcha un proxecto de formación dirixido @s traballador@s do sector das Telecomunicacións de Pequenas e Medianas Empresas (PEMES). A iniciativa está aberta ós empregados daquelas empresas de menos de 250 traballadores que desexen formarse de balde no referente a programas ofimáticos. Os cursos ofertados por ForGA son:
-Follas de cálculo (básico) do 26 de novembro ó 5 de decembro.
-Presentacións dixitais (básico) do 10 de decembro ó 19 de decembro.
Ámbolos cursos son de 20 horas de duración e está previsto que o seu horario sexa polas tardes de 20:30 a 22:30. Os interesados en acudir a algún destes cursos formativos poden inscribirse a través dos teléfonos 981 941 629 e 981 530 257 ou persoalmente nas instalacións da Fundación ForGA no Polígono Empresarial Novo Milladoiro, Rúa Palmeira, Parcela 21-A, Milladoiro (Ames).
