Fomentar o uso racional e seguro das TIC é o obxectivo estrela do Plan de Convivencia Escolar
mércores, 23 de febreiro do 2022
Este
martes
22 de febreiro celebrouse unha reunión de traballo arredor do Plan
de Convivencia e Mellora da Seguridade Escolar nos centros educativos
galegos. A xuntanza, que serviu para constatar a importante
reactivación da que está a ser o obxecto o plan, foi presidida polo
delegado do Goberno en Galicia, José Miñones, que salientou que o
obxectivo de recuperar a presencialidade e de achegar máis de 1.300
accións formativas. Neste paquete de actividades, fomentar un uso
racional e positivo das novas tecnoloxías e combater o ciberacoso
configúranse como os dous temas centrais. A sesión na que
participou o delegado foi a primeira en formato presencial dos
últimos dous anos.
Participaron
tamén o xefe de Área de Alta Inspección Educativa da Delegación
do Goberno, Manuel Regueiro; as xefas das unidades de Violencia sobre
a Muller de Galicia e das catro provincias, membros do Corpo Nacional
de Policía e Garda Civil e Inspección Educativa da Xunta.
Os
datos, sinalaron, confirman a reactivación do Plan de Convivencia
nos centros educativos de Galicia. “Estamos preto de chegar ás
cifras de fai tres anos e penso que a finais deste curso
recuperarémolas totalmente”, valorou o delegado. No primeiro
trimestre deste curso participaron neste programa preto de 500
centros de toda Galicia: 152 da provincia da Coruña, 120 de Lugo, 46
de Ourense e 178 de Pontevedra.
Os
equipos especializados de Policía e de Garda Civil realizaron nestes
centros 1.364 actividades de formación e de prevención.
Participaron nestas actividades 24.121 membros da comunidade
educativa, dos que 22.500 eran alumnos e alumnas e o resto,
profesorado e pais e nais. “Os datos non poden ser mellores”,
afirmou o delegado.
Como
dixemos, a maior parte das charlas estiveron centradas nas novas
tecnoloxías da información, que protagonizaron un 44% do total de
actividades. Séguenlle en relevancia o acoso escolar e a violencia
de xénero. As charlas son impartidas por equipos especializados de
gardas civís e policías nacionais de cada provincia.
Total de charlas no
primeiro trimestre: 1.364
Novas tecnoloxías:
595
Acoso escolar: 269
Violencia de xénero:
164
Drogas e alcol: 112
Bandas xuvenís: 5
Outros e actividades
complementarias: 61