Ferrol acolle unha xornada sobre os estaleiros do futuro
luns, 28 de novembro do 2016
O Salón de Actos do
Campus Industrial de Ferrol acollerá mañá a I
Xornada Estaleiro 4.0, o estaleiro do futuro, organizada pola Unidade Mixta
de Investigación UDC-Navantia.
As conferencias comezarán
ás 9:30 horas coa benvida dos coordinadores do evento, Carlos Merino, director
da UMI UDC-Navantia, e Daniel Pena, catedrático da Universidade da Coruña. A Xornada
estará divida en distintos módulos nos que se tocarán temas de máximo interese
e contará coa participación de importantes personalidades ligadas ao mundo dos
estaleiros e da universidade.
Entre os temas do
programa destacan o Modelado e Simulación xunto coa Optimización de Procesos
nos Estaleiros, Robótica e Automatización e Eólica Mariña. Ademais doutras
areas como o Auto IDE de tubaxes e Información en Planta xunto con temas
ligados á disciplina da electrónica do futuro, Proxecto Sen cables onde se exporán os máis modernos sistemas empregados en
buques sen cables e todo o sistema eléctrico que supón. Como peche outras
modalidades como o uso de Adhesivos na Construción Naval, como se xestiona a información
e os sistemas auto-reconfigurables.
A xornada concluirá ás
14:15 horas, cando será clausurada pola vicerreitora do Campus de Ferrol e
Responsabilidade Social, Araceli Torres, e o vicerreitor de PolÃtica
CientÃfica, Investigación e Transferencia, Salvador Naya.