Feiraco lanza un blog para estar aínda máis preto dos consumidores
xoves, 27 de marzo do 2014
Feiraco quere estar máis preto da xente e elixe
Internet para ir dándolle pulo a esta estratexia. A isto responde a
apertura dun blog de seu que
a sociedade cooperativa quere empregar para falar de “ti a ti” co
consumidor. Este novo espazo en liña fornecerá contidos sobre o
eido leiteiro dun xeito ameno e distendido (de onde vén o leite, que
contén, que vantaxes subministra para a nosa saúde), ao tempo que
irá dando conta das novidades da compañía, dos seus proxectos de
innovación alimentaria en desenvolvemento e por suposto dos seus
actuais produtos estrela (por exemplo o leite Unicla, que abrangue a
entrada máis recente).
O blog, moi axeitado polo seu carácter visual e
atractivo para os máis cativos, será tamén un xeito de recadar o
punto de vista dos consumidores. Achegaráselles aos internautas a posibilidade de comentar en tempo real as entradas, participar en debates e mesmo xeralos. O caderno preséntase en
galego e castelán e artéllase en catro categorías: Alimentando
un xeito de ser, Innovación, Alimentación e
Nenos.