Facebook poderÃa superar os 2.000 millóns de usuarios activos a mediados de ano
mércores, 1 de febreiro do 2017
Facebook
publicou o seu informe
cos resultados fiscais do cuarto trimestre de 2016, facendo tamén balance
do ano pasado, deixando clara a súa fortaleza tanto en ingresos como en número
de usuarios activos e, unha vez máis, confirmando que deixou atrás os tempos
nos que o móbil era o seu punto feble, e agora non deixa de medrar nese ámbito
(de feito, o 84% dos ingresos publicitarios chegan do móbil).
O crecemento de ingresos por parte de Facebook está a ter problemas para
continuar a medrar, principalmente porque a compañÃa non consegue espazo
suficiente para colocar a publicidade, pero aÃnda mantén o seu pulo, e unha
vez máis supera as previsións de Wall Street, xerando 8.809 millóns de
dólares no último trimestre de 2016 (cando esperaban uns 8.510 millóns de
dólares).
Ao facer balance do número de usuarios mensuais activos ao remate do ano temos
que Facebook chegarÃa aos 1.860 millóns, o que supón un incremento interanual
do 17%, dos que de media 1.230 millóns conéctanse a diario, pero o feito de que
a mediados de ano Facebook poida superar a barreira dos 2.000 usuarios activos
é algo a ter moi en conta á hora de medir o impacto global que está a ter esta
compañÃa, que é das poucas que consegue casar un elevado número de usuarios na
Rede coa rendibilidade, tendo conseguido un equilibro que valida o seu modelo
de negocio e as decisións estratéxicas tomadas nos últimos anos (como as
compras de Instagram, WhatsApp e Oculus).