FIFA+ achega fútbol de balde á afección
mércores, 13 de abril do 2022
Nun momento no que as compañÃas de telecomunicacións loitan
polos dereitos das retransmisións deportivas sorprende ver como a
FIFA decide emprender un proxecto audiovisual independente, FIFA+,
plataforma que achega aos seareiros do fútbol de todo o mundo unha oferta de
contidos que inclúe partidos en directo, xogos interactivos, novas, información
de competicións e reportaxes.
Até o remate do ano FIFA+ pretende retransmitir o equivalente a 40.000 partidos
en directo ao ano do cento de asociacións que integran o organismo a través de seis
confederacións, incluÃndo 11.000 partidos de fútbol feminino. Inicialmente o
servizo ofrecerá 1.400 partidos en directo ao mes.
Pero a plataforma non só incluirá directos, senón que tamén conta cun grande
arquivo dos mundiais de fútbol dende os anos 50, achegando asà máis de 2.000 horas
de contido histórico aos que uniranse contidos creados para a plataforma en liña,
os FIFA+ Originals,
que incluirán documentais, docuseries, programas e curtas, localizando estes
contidos a 11 idiomas. Temos asà producións como o documental sobre Ronaldinho,
El
hombre más feliz del mundo; os documentais sobre Maradona La
Mano de Dios e After
Diego; o documental sobre a Copa Mundial Feminina da FIFA, HeroÃnas;
a docuserie de 8 entregas HD
Cutz sobre o barbeiro das estrelas Sheldon Edwards; a serie documental
de seis entregas Dani,
protagonizada por Dani Alves; e moitos outros contidos que podemos atopar en FIFA+,
plataforma dispoñible en inglés, francés, alemán, portugués e español, que
tamén conta con aplicación
móbil para Android e para iOS.