Enrique Dans analiza o impacto da tecnoloxÃa no mundo no seu novo libro
luns, 3 de abril do 2023
O
galego Enrique Dans, profesor de Innovación en IE University dende 1990, leva
anos dando conta dende o seu blog
dos moitos avances tecnolóxicos que están a ter un grande impacto social, temática
que tamén abordarÃa nos libros Todo va a cambiar (2010) e Viviendo en
el futuro (2020), e á que agora volve en Todo
vuelve a cambiar, libro editado por Deusto, que sairá á venda o vindeiro
12 de abril, e que xa está dispoñible
para a súa reserva en Amazon.
Desta volta Dans traza un percorrido dende os inicios da Internet e a súa
evolución cara a web sociais e participativa (Web 2.0) até chegar ao momento
actual, no que a tecnoloxÃa das cadeas de bloques está a impulsar un cambio moi
importante nas transaccións dixitais e o almacenamento da información até
maiores cotas de seguridade, descentralización, interoperabilidade e
privacidade.
Todo vuelve a cambiar tamén examina outras tecnoloxÃas e o seu impacto
no mundo dixital de hoxe e do futuro: o metaverso, o código aberto, as
criptomoedas, os NFC ou o machine learning. Como mostra diso, parte da
introdución do libro escribiuse empregando ChatGPT.
Teremos un bo volume para axudar a analizar e reflexionar sobre os avances
tecnolóxicos que van ter un impacto directo nas nosas vidas, de xeito que
podemos tomar decisións prudentes e informadas, sen deixarnos levar polas
promesas de vendedores de fume nin polos espellismos que poden provocar as
novidades que estamos a percibir nos últimos meses.