En marcha unha aplicación galega para facilitar o control total sobre unha adega de viño
luns, 5 de setembro do 2016
Os dÃas pasados soubemos
dunha nova aplicación galega destinada a mellorar e facilitar o
traballo dos nosos profesionais do viño, máis polo miúdo dos
adegueiros, enólogos e viticultores. Trátase de Tractus
e vén da man da firma Agronovo
EcoloxÃa, con sede en Lugo. Segundo puidemos saber, a ferramenta
ten recursos de seu para axudar aos devanditos profesionais no
seguimento detallado dos regulamentos vixentes en materia de
rastrexabilidade e xestión alimentaria, amais de botarlles unha man
na adaptación do seu labor diario aos ditos regulamentos e
normativas.
Tractus,
amais de ser un software de rastrexabilidade e xestión, incorpora
tamén funcionalidades de control de produción, entre outros
recursos. A idea é permitirlles aos adegueiros ou viticultores o
control absoluto sobre fabricación, dende o seguimento da terra e as
viñas até o intre da distribución en establecementos. Asemade,
cobre procesos como o control de etiquetaxe, proceso esixido polos
organismos certificadores.
Polo que se refire ao
equipamento preciso para tirarlle partido a Tractus, a idea foi
achegarlle ao profesional a posibilidade de facer máis con menos. Ou
sexa, fornecelos cunha ferramenta que non precisase de grandes
investimentos e que se puidese empregar co material existente. Por
exemplo conexión Internet, computador ou tableta ou dispositivo.
Asemade, Tractus pon en xogo a vantaxe de estar dispoñÃbel para
calquera sistema operativo.
A ferramenta, por certo,
tamén achega marxe de abondo para adaptala ás nosas necesidades
particulares. Este capacidade para afacerse a diferentes
requirimentos e contornas permitiralle á empresa responsábel
desenvolver versións para outros tecidos de actividade, por exemplo
o da leite.