Emprego e Igualdade convoca un obradoiro dixital para mellorar as oportunidades dos maiores de 45 anos
luns, 26 de abril do 2021
Entre
o 11 de maio e o 11 de xullo vaise desenvolver un
obradoiro de formación dixital para mellorar a empregabilidade dos
maiores de 45 anos e as persoas paradas de longa duración. A
iniciativa, convocada pola Xunta, centrarase nas chamadas
competencias brandas, é dicir, en cuestións como organización,
traballo en equipo, análise, conexión, comunicación,
actualización, creatividade, xestión emocional e capacidade
resolutiva. O prazo de inscrición remata o 10 de maio.
Como
dixemos, a iniciativa está dirixida a persoas desempregadas maiores
de 45 anos e parados de longa duración co obxectivo de mellorar as
súas oportunidades laborais. AsÃ, está enfocada á busca de
emprego, ao autoemprego, á adaptación a situacións descoñecidas e
aos novos contornos dixitais.
As
persoas interesadas en participar no
obradoiro poden anotarse online ata o próximo 10 de maio.
No curso analizaranse 9 competencias brandas e o grao de uso que se
fai en cada unha delas, e exporanse experiencias de persoas expertas
no mundo do management, dos recursos humanos e da empresa. AsÃ
mesmo, haberá tamén sesións de adestramento individuais.