Egatel inaugura Os mércores de Tecnópole falando sobre a necesidade de expandir mercados
mércores, 16 de outubro do 2013
Na
mañá deste mércores 16 a empresa Egatel -situada no Parque
Tecnolóxico de Galicia-Tecnópole
(Ourense)- celebraba unha xornada inserida no ciclo Os
mércores de Tecnópole,
na que participaron
unha trintena de representantes de empresas galegas e o director
xeral de Egatel -Javier Taibo-, quen expuxo as necesidades de
soporte externo que teñen tanto para a fabricación dos seus
produtos como para desenvolver as liñas de diversificación que
están abranguendo de cara a abrir novas liñas de negocio a través
da innovación. Taibo sinalou que Egatel é o principal provedor de
sistemas de televisión dixital en España, cun 55% do mercado
nacional, e que o principal reto de futuro da empresa é a
internacionalización.
Amais
da fábrica radicada en Ourense, contan con oficinas comerciais e
delegacións en: Madrid, Finlandia, Arxentina, Chile e México. Desde
elas abriron xa negocio en 25 paÃses e están tratando de entrar no
mercado asiático. Ao
traballar nun nicho de mercado tan especÃfico estamos moi
condicionados polas flutuacións do mercado, polo que buscamos
diversificarnos para abrir novas liñas de negocio a través da
innovación,
explicou o director xeral de Egatel. Neste senso, aclarou que a súa
demanda de provedores en Galicia alcanza tamén este eido, no que
recentemente conseguiron financiamento para executar, xunto con
outras 17 empresas e 6 centros tecnolóxicos e de investigación,
catro proxectos de innovación por 9 millóns de
euros nos ámbitos sanitario, vitivinÃcola e da aeronáutica
aplicada á extinción de incendios.
Asemade,
o responsable de compras de Egatel -Ramón Conde- incidiu na
importancia da proximidade dos seus provedores para ter maiores
garantÃas no control de calidade. A intención é atopar provedores
máis achegados para poder obter en Galicia as solucións que hoxe
teñen que contratar en Estados Unidos, Taiwán ou Reino Unido.
Informar
que a xornada de hoxe foi a primeira do dito ciclo Os
mércores de Tecnópole,
organizado polo Parque Tecnolóxico de Galicia de cara a pór en
valor a innovación das súas empresas. Un mércores de cada mes unha
empresa exporá as súas capacidades e diferenzas competitivas no seu
ámbito de actividade co obxectivo de mellorar a súa visibilidade e
o seu posicionamento no mercado. Para máis información sobre estas
xornadas, cómpre visitar a web
habilitada