Economía mobilizará 3,8 millóns en axudas para a dixitalización do comercio
luns, 25 de febreiro do 2019
Nas
vindeiras semanas o comercio galego vai ter á súa disposición unha
contía importante de axudas para a súa modernización tecnolóxica.
Así
o fixo saber hoxe o conselleiro de Economía, quen detallou que a
devandita contía será de 3,8 millóns, impulsadas polo departamento
que dirixe para “impulsar a dixitalización e a modernización
de empresas comerciais e artesanais”.
Os
datos foron dados a coñecer durante un encontro con autónomos e
emprendedores dos concellos da Mariña e de Foz, organizado en
colaboración co Concello de Foz e Federación de Comerciantes da
Mariña.
O
conselleiro salientou que os beneficiarios poderán desenvolver
proxectos de modernización integral de locais ou implantar novas
fórmulas de comercialización. “En total”, dixo, “este ano a
Xunta vai destinar 14,6 millóns de euros de xeito específico a este
sector para beneficiar a máis de 6.000 establecementos”.
A
maiores de todo o devandito, destinaranse máis de 600.000 euros a
promover a ecoinnovación, “buscando a sustentabilidade ambiental”,
e activarase outra partida de 500.000 euros para a creación de
laboratorios dixitais que permitirán a”sesorar e guiar ao sector
no proceso de dixitalización”.
Conde
destacou que o comercio “está a vivir un momento de fondos
cambios” e que os establecementos de proximidade “teñen que dar
resposta ás novas demandas e preferencias dos consumidores,
achegando novos servizos e produtos”. Este sector, dixo, é un dos
principais activos económicos da Mariña.